సలాం తాహెరాబేగం

కష్టాల సుడిగుండంలో చిక్కుకున్న మహిళలెందరికో ఆదిలాబాద్ జిల్లా మంచిర్యాలకు చెందిన తాహెరాబేగం జీవితం ఆదర్శప్రాయం. తాహెరాకు చిన్నవయసులోనే పెళ్ళయ్యింది, పుట్టిన పిల్లలిద్దరిలో ఒకరికి చూపులేదు. 22 ఏళ్ళ వయసు వచ్చేసరికి భర్త (లారీ డ్రైవర్) మరణించాడు. ఫలితం, అత్తమామల నిరాదరణ. ఇక చేసేదేమీలేక పుట్టిల్లయిన లక్సెట్టిపేటకు వెళ్ళింది. తాహెరా తండ్రి సంపాదన ఏమంత ఎక్కువకాదు. తన కుమారులతో తండ్రికి భారం కావడం ఇష్టం లేదామెకు. ఇక ఏం చేసింది ? చిన్నతనంలో తాను తండ్రి దగ్గర నేర్చుకున్న టైర్ల మరమ్మతు, రీముల బిగింపు పనుల్నే జీవనాధారంగా చేసుకోవాలని నిర్ణయించుకుంది. సాయం చెయ్యడానికి ఎవరూ ముందుకు రాలేదుగానీ, పుల్లవిరుపు మాటలు బోలెడు ఎదురయ్యాయి. పరదా మధ్య ఉండాల్సిన మహిళ పంక్చర్లు వేయడమేంటని ఎద్దేవా చేశారు. తాహెరా పెద్దకొడుకుకు చూపులేకపోవడంతో కుటుంబ భారం ఆమెపైనే పడింది. ఆలేకుం అస్సలాం తాహెరా...